ഹരിയേട്ടന്‍....

ക്ഷണികമാമെന്‍ -
 ജീവിത യാത്രയില്‍-
കണ്ടുമുട്ടിയോരെന്‍ 
സ്നേഹ നിറദീപമേ-
നിന്നെ ഞാന്‍ -
ഏട്ടനെന്നു വിളിപ്പു.

ആരുമല്ലായിരുന്നു 
നാള്‍ വരെയെനിക്കു നീ.
ഇന്നെന്‍റെ ഹൃത്തില്‍ 
നീ തെളിനീര്‍ തെളിച്ചു.
നിന്‍ ചിരിയെന്‍ കാതില്‍ 
സംഗീതമായ്,
നിന്‍ സ്വരമെന്‍ 
ഹൃദയ മന്ത്രമായി.
ഏട്ടന്‍..,ഏട്ടന്‍..,ഏട്ടനാണ് 
ഇന്നെനിക്കു നീ.
ദൈവം തന്നൊരു 
നിധിയാണ്‌ നീ..

കാത്തു വെയ്ക്കും 
ഞാനീ ജന്മമെല്ലാം..
ഇനിവരും ജന്മങ്ങളിലും..

എന്‍ വിരല്‍തുമ്പില്‍ 
ഒന്നു പിടിക്കുക.
മുന്നോട്ടു നീ നടന്നീടുക.
അനുജനായി ഞാന്‍ 
നിന്‍ പുറകെ നടന്നിടാം..

ഇനിയെന്‍ 
കാലുകളിടറില്ല.
താങ്ങാന്‍ നിന്‍ 
കരങ്ങളുണ്ടല്ലോ.
കണ്ണുകള്‍ നിറയില്ല.
മിഴിനീര്‍-തുടക്കാന്‍ 
നീ അരികിലുണ്ടല്ലോ...

മനസ്സില്‍ ഇപ്പോഴും 
ഒരു മന്ത്രം മാത്രം...
ഏട്ടന്‍..,ഏട്ടന്‍,ഏട്ടനാണ് 
ഇന്നെനിക്കു നീ..


.......സമര്‍പ്പണം ഹരിദാസ്‌ എട്ടന്.....
(പ്രശസ്ത ചലച്ചിത്ര പിന്നണി ഗായകന്‍ ഹരിദാസ്‌ )